WakaCome Tv

Tori As We Dey Waka Come: E swear im allegiance and promise to deliver im duties and perform im functions in accordance wit di constitution of Nigeria and di law. E say im go abide by di code of conduct and no go allow im personal interest influence im official conduct or decision. Dis na Tori As We Dey, Waka Come.  If you get Tori, send am to we Email:  wakacometv@gmail.com  As We Dey Waka, No Be Lie. 

 Tori As We Dey Waka Come: Di founder of FCMB Bank don dai Subomi Balogun way be di founder of FCMB Bank die for London Friday Morning Di founder of FCMB Bank Mr subomi Balogun way just celebrate Im 89th birthday dis March Him na ICOBA for IGBOBI COLLEGE and  him study law for London school of Economics Mr Subomi Balogun practiced as a lawyer for regional justice ministry and also for federal ministry of justice until di 1966 coup. Na after di coup Mr subomi Balogun waka enter into banking way him join di Nigerian Industrial Development Bank (NIDB) Na 1979 him established FCMB after him don waka venture into several commerce and economics firm Dis na Tori As We Dey, Waka Come.  If you get Tori, send am to we Email:  wakacometv@gmail.com  As We Dey Waka, No Be Lie. 

 Tori As We Dey Waka Come: Di ruler of Ghana Asante pipo don ask British Museum to return gold items wey dey dia hands to im kontri. Di Asantehene, Otumfuo Osei Tutu II, recently meet di museum director Dr Hartwig Fischer for discussions. Di items wey dey di museum hand include work wey di British take from Asante palace for Kumasi during war wit di British for 1874. Di British Museum tell tori pipo say im dey "explore di possibility of borrowing di items" to Ghana. Di Ghana ruler meet Dr Fischer last week, afta im di Coronation of King Charles. Ghana goment don set up Restitution Committee to torchlight di returning of items wey dem take from Asante Palace wey now dey for different pipo and institutions hand around di world. Nana Oforiatta Ayim, wey dey di committee, tell tori pipo say: "Dis objects na mainly sacred ones and dia return no be just about restitution. Na also about reparation and repair, for places wia dem from take dem, but also di pipo wey do di taking....

 Tori As We Dey Waka Come: Prince Harry, im wife Meghan and her mama almost dey involve for "deadly car accident" wey involve tori pipo, one talk talk persin to di prince confam. Di mata happun afta di Duke and Duchess of Sussex attend one award ceremony for New York on Tuesday. For inside statement, di prince talk talk persin say di "continuous pursuit" bin last ova two hours. Dem add say e remain small make dia motor jam oda drivers for road, pipo wey dey waka come and police officers. Di talk talk persin say, "even though to be public figure dey come wit some interest from di public, e no reach to cost anybody safety". Dis na Tori As We Dey, Waka Come.  If you get Tori, send am to we Email:  wakacometv@gmail.com  As We Dey Waka, No Be Lie. 

Tori As We Dey Waka Come: Di United States Secretary of State Antony Blinken emphasis im commitment to continue strengthen di relationship between Nigeria and im kontri for di new govment wey go soon enta office. Oga Blinken give dis assurance during im first official phone call to Nigeria president-elect Bola Ahmed Tinubu on Tuesday. Di Secretary yan say US-Nigeria relationship don go way back and say dis relationship dem build am on " shared interest and strong pipo-to-pipo waka come ontop im want make dis links continue to dey stronger under Bola Ahmed Tinubu govment. Di two also discuss why e dey important for di leadership for Bola Ahmed Tinubu govment to represent all Nigerians and to promote security cooperation and policies wey go support economic growth. Dis call between Blinken and Bola Ahmed Tinubu dey occur less dan two weeks to di swear-in. According to Tunde Rahman, wey be Bola Ahmed Tinubu talk talk persin, na di US diplomat initiate di conversation wit di president...

Tori As We Dey Waka Come: Gunmen don kill two Nigeria pipo wey dey work for US Embassy, dem born dis pipo body inside Anambra state today May 16th 2023. Some staff of di US Embassy for Nigeria don kpai after dis unkown gunmen kill dem burn dier body for Ogboru LGA of Anambra state  Dem shoot dis officials dead as dem dey waka on top dier humanitarian mission for dis area. Di talk talk person for US mission for Nigeria yan say olopa dey di Nigerian security men to fit waka do di investigation  Di talk talk person for of di state police command, DSP Tochukwu Ikenga, don confirmed dis statement. Dis na Tori As We Dey, Waka Come.  If you get Tori, send am to we Email:  wakacometv@gmail.com  As We Dey Waka, No Be Lie. 

 Tori As We Dey Waka Come: Sport Waka Di Champions League race bin look settled but Liverpool seven straight wins don drag dem back enta di race again. Manchester City and Arsenal already dey guaranteed to finish for di top four and Newcastle and Manchester United dey most likely to join dem dia. But, Liverpool now dey one point behind we no say dem don play one game more dan di Magpies and Red Devils. pipo no think say e dey possible but if dem slip, we gatz dey dia," manager Jurgen Klopp tok. "Dem go slip? I no know. We fit win both games? I no know." Di teams wey finish for di top seven go secure European football next season anchester City, wey fit win di Champions League dis season,  and Arsenal, wit dia current totals of 85 and 81 points respectively, go finish as di top two. City go win di league if dem beat Chelsea on Sunday (16:00 BST). Newcastle and Manchester United occupy third and fourth place respectively, na only goal difference dey separate dem, on 66 poi...

 Tori As We Dey Waka Come: Na on Di 7th of May on Sunday 2023 na di date wey go linger for di minds of Sheka residents for Kano state, afta wedding celebration turn ugly. Just like e dey happun for many cultures whenever pesin dey celebrate, family and friends dey follow am jolificate di moment. As one groom and bride dey celebrate dia wedding day on dis day, friends of di groom gather to follow am jolly as dem no know say dem go kpai after dis enjoyment. Some pipo for Sheka area say na up to 10 friends die afta dem organise local tea drinking competition to celebrate dia friend. Di drink na Zakami as dem dey call am for Hausa, na very strong drink wey many pipo dey avoid as dem say e get side effects wey no good for body. Mallam Abdullahi Mahmoud lose im 22 years old pikin, Mubarak for di incident and e tell tori pipo say e dey suspect say anoda tin fit dey inside di Zakami drink wey lead to deaths. Dis na Tori As We Dey, Waka Come.  If you get Tori, send am to we Email:...

 Tori As We Dey Waka Come: Nigerian chef: Hilda Baci don breaks Guinness World Record for ‘longest cooking time. Di Nigerian chef, on Monday morning waka smashed Di 87 hours 45 minutes record wey Lata Tondon former Guinness World Record holder Break dat time. Dis na Tori As We Dey, Waka Come.  If you get Tori, send am to we Email:  wakacometv@gmail.com  As We Dey Waka, No Be Lie.

 Tori As We Dey Waka Come: Veteran Nollywood actor, Obinna Nwafor, popularly known as Saint Obi don kpai at di age of 57, on Saturday evening. Him death waka come as shock to plenty pipo on Saturday evening. In 2001, Saint Obi, produced him first movie titled Take Me to Maama,him name bi Jerry inside di feem,  alongside Ebi Sam, Rachel Oniga, Nse Abel and Enebeli Elebuwa. Dis na Tori As We Dey, Waka Come.  If you get Tori, send am to we Email:  wakacometv@gmail.com  As We Dey Waka, No Be Lie. 

 Tori As We Dey Waka Come: Nigeria Yoruba Nollywood actor wey dey make pipo happy for inside im film don kpai, him dey very popular for di movie industry, him name na Murphy Afolabi don die at di age of 49. Di Chairman of di Theatre Arts and Motion Pictures Practitioners Association of Nigeria (TAMPAN), Bolaji Amusan confam im death. Oga Amusan wey pipo sabi as Baba Latin say im just receive di news and neva sabi di cause of im death plus oda details. Murphy Afolabi death dey come just about one week afta e celebrate im 49th birthday. On im Instagram page on im birthday e pray and ask God for wisdom and knowledge to do im will and to live a righteous life. Na Who be Murphy Afolabi: Oga Murphy Afolabi na popular actor, director producer. E dey popular for Yoruba films, him don feature for plenty movies. na on di 5th of May, 1974, dem born am, enever tey wey him do him 49th bitrday. Na Osun State for Oroki Asala inside Osogbo him waka come from, him get Diploma in Theatre Arts and Fi...