Di Man wey deny baby mama, need baby son back.

-

WakaCome Tv Abeg hide my identity, 14yrs ago, e get one geh wey dey our area and every guy for the area know say she be losed geh and she just dey open legs for guys anyhow. During that time me sef come say make I go catch my own cruise, na so she come tell me say she don get belle from the kind play wey we play. But I deny am flat since no be only me dey sleep with her. After she born, the pikin resemble me well well but i still deny the baby. Six years ago I come marry, my wife don get two children for me and the two of dem na girls. The second belle wey my wife bin born na by the grace of God she survive bcos she get serious complication and Doctor say after that birth, she no go fit born again. Now as the mata be, na girls I get but I no get baby boy, I come go meet that lady wey bin born for me bcos na boy she born. Wen I reach dia house, she don marry and her family don officially adopt the baby as dia own. Dem pursue me say make I no ever come the house again and say I no get any son for dia house that if I try come back again, dem go arrest me. 

World pipo, abeg e dey possible say I fit get my son back, dis boy resemble me well well for everything. I don carry elders from my family go their house and dem send us back. Abeg make una advise me on wetin I fit do to get dis boy back if possible.

Man beg for baby boy

Opmerkings

Plaas 'n opmerking

Gewilde plasings van hierdie blog

Osun State Police, Don Catch Ritualists.

-
Prent
Tori As We Dey Waka Come: Ritualists don confess to Police Command Osun State, say dem dey strangle pipo to death wey dem catch to do ritual. Di Osun State Police Command catch some ritualists, wey confessed say dem dey kill pipo dey sell part of di body. One of dia customer wey olopa catch, him name na Lukman Garuba, him confess say, him dey buy human body part, from dis ritualist, for N2000. Na inside Iwo, for Osun State Police catch 31 years old Garuba, dem arrest am for di place wey dis ritualists’ dem dey do dia evil work, inside town with Tajudeen Monsuru, and dem also 25 years old Hamsat Akeem, him follow confess say dem follow waka to pai one person wey him name na Akanbi Adeolu. One Monsuru confess say him kill him girlfriend, Mutiyat Alani and Akinloye Ibrahim and many other pipo.  Di Osun State Commissioner for Police, Wale Olokode don talk say very soon dem go catch all dis bad pipo wey dey do kidnapping, cultists, and drug dealing dem. www.wakacometv.blogspot.com sen
Lees meer

Tinubu A.K.A Jagaban Don collect Certificate Of Return with him vice

-
Prent
Tori As We Dey Waka Come:  President Elect Recive im Certificate Of Return.  Today wey be Wednesday 1st of March 2023, for inside we country Nigeria for Abuja, APC Presidential candidate SAN Bola Ahmed Tinubu don waka come collect him Certificate of Return as him be Di winner of Di presidential Election wey dem do for we country this February 2023. Di INEC Chairman, Professor Mahmood Yakubu, announced Tinubu as the winner at the International Collation Centre in Abuja  Dis na Tori As We Dey, Waka Come.  If you get Tori, send am to we Email:  wakacometv@gmail.com  As We Dey Waka, No Be Lie. 
Lees meer

Uganda:76 years old Yoweri Museveni go challenge 38 years old Bobi Wine.

-
Prent
Tori As We Dey Waka Come: Uganda Elections: Na On Di 14th of January 2021, 76 years old Yoweri Museveni go challenge 38 years old Bobi Wine.   38 years old Robert Kyagulanyi Ssentamu, wey dem dey call, Bobi Wine go waka do election with 76 years old Yoweri Museveni wey don use 35 years for office as presido. Uganda pop star Bobi Wine, wey wan unseat President Yoweri Museveni, talk say na so Di man dey use all him Government security officials to disturb him supporters, Bobi wine yan dis matter give International Criminal Court(ICC). Plenty Pipo dey dress in red, to support Bobi wine wey dem also dey call di ghetto presido. As e be so, Facebook don block Di Accounts of Uganda Government officials. www.wakacometv.blogspot.com send your Tori, to we E-mail: wakacometv@gmail.com or whatsapp +2348133385379. As We Dey Waka, No Be Lie. #wakacometv #toriaswedewakacome
Lees meer